«Անիմաստ է միշտ դոփել նույն տեղում և ոչինչ չանել»․ Տիգրան Արզաքանցյան

«Ալյանս» կուսակցության բարձրագույն խորհրդի նախագահ Տիգրան Արզաքանցյանը ֆեյսբուքյան իր էջում գրել է․ ««Ալյանս» կուսակցության 9-րդ համագումարի ժամանակ իմ՝ բարձրագույն խորհրդի նախագահ ընտրվելու փաստին որոշ մարդիկ և ԶԼՄ-ներ տարբեր որակումներ տվեցին։ Սակայն ճշմարտությունն ընդամենը մեկն է․ անիմաստ է միշտ դոփել նույն տեղում և ոչինչ չանել հանուն քո երկրի զարգացման և բարօրության։ Այո՛, ես գտել եմ, որ Հայաստանի Դեմոկրատական կուսակցության հետ այլևս հնարավոր չէր իրագործել բոլոր այն ծրագրերը, որոնք միտված են հանուն Հայաստանի Հանրապետության, և ոչ թե ինչպես շատերն են կարծում, հանուն օրվա իշխանության։ Շատ շուտով «Ալյանս» կուսակցությունում դուք կտեսնեք նոր գաղափարներ, նոր մեծածավալ ծրագրեր, որոնք միտված են հանուն բարեկեցիկ և հզոր Հայաստան ունենալուն»։