«Դավիթ Տոնոյանին փորձում են քավության նոխա՞զ դարձնել»․ լրագրողը՝ Օհանյանին

«Գիտե՞ք, այս ամենը տեսարան ձևավորելու փորձեր են»,- այսօր՝ լրագրողների հետ զրույցում, ի պատասխան հարցին, թե արդյոք պաշտպանության նախկին նախարար Դավիթ Տոնոյանին պատերազմից մեկ տարի անց կալանավորելով, փորձում են քավության նոխազ դարձնել, ասաց պաշտպանության նախկին նախարար, «Հայաստան» խմբակցության ղեկավար Սեյրան Օհանյանը։

«Իրականում ՀՀ իշխանությունները վերջին տարիներին, երբ որ քողարկված ինչ-որ գործընթաց են սկսում, հասարակությանը շեղելու համար այսպիսի տեսարաններ են ապահովում»,- նկատեց նա։

«Ես գտնում եմ, որ Դավիթ Տոնոյանը և ԶՈՒ-ի այն գեներալիտետը, ովքեր ընդգրկված են այդ գործում, բոլորն էլ չէին խուսափի, եթե ծանուցում ստանային, հանգիստ կերպով կգնային ԱԱԾ»,- հավելեց նա։