Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Սանասարյանի հետ այս պահին շփում չունեմ, բայց մինչ գործի քննությունը աշխատանքային և անձնական շփումներ ենք ունեցել»․ Արսեն Թորոսյան

«Սանասարյանի հետ այս պահին շփում չունեմ, բայց մինչ գործի քննությունը աշխատանքային և անձնական շփումներ ենք ունեցել»․ Արսեն Թորոսյան
293
Չորեքշաբթի, 06 հոկտեմբերի, 2021 թ., 14:42

Այսօր՝ ՊՎԾ նախկին պետ Դավիթ Սանասարյանի գործով դատական նիստի ժամանակ, դատավորը գործով վկա առողջապահության նախկին նախարար Արսեն Թորոսյանից հետաքրքրվեց, թե վերջինն ինչ փոխհարաբերություններ է ունեցել գործի հետ առնչություն ունեցող անձանց և հատկապես Սանասարյանի հետ։

«Դատավարության մասնակիցներից ճանաչում եմ միայն Դավիթ Սանասարյանին՝ 2008-ից սկսած, ևս մեկ անգամ՝ առերեսման ժամանակ, հանդիպել եմ Սանասարյանի պաշտպանների հետ, մյուս մասնակիցներից որևէ մեկին երբևէ չեմ ճանաչել, նույնիսկ չեմ հանդիպել որևէ հանգամանքում՝ ո՛չ նախաքննությունից առաջ, ո՛չ ընթացքում, ո՛չ էլ հետո»,- նշեց Թորոսյանը։

«Սանասարյանի հետ այս պահին շփում չունենք, վերջին անգամ հանդիպել ենք առերեսման ժամանակ, բայց մինչ գործի քննությունը ակտիվ աշխատանքային և անձնական շփումներ ենք ունեցել, դրական հարաբերություններ են եղել նաև մինչև պաշտոններ զբաղեցնելը»,- հավելեց նա։