Նկարիչը՝ Կապանի համայնքապե՞տ. «Հրապարակ»

«Հրապարակ»-ը գրում է. «Կապան խոշորացված համայնքի իշխանական թեկնածուն՝ Դավիթ Դանիելյանը, խոստանում է կառուցել Կապանը: Տեղացիներն ասում են, որ ծնունդով կապանցի Դավիթ Դանիելյանը 4 տարի չէր հիշում Կապանի մասին, ոչինչ չէր անում հարազատ քաղաքի համար, հիմա՝ ընտրությունների նախօրեին, հանկարծ հիշել է և ոսկե սարեր է խոստանում:

Իսկ Դանիելյանը, որն ընդամենը 29 տարեկան է, ավարտել է Երևանի Գեղեցիկ արվեստների ազգային ակադեմիան, մասնագիտությամբ նկարիչ է, 2017-ից Նկարիչների միության անդամ է և միայն 2020 թվականին է ընդունվել Գեղարվեստի ակադեմիայի մագիստրատուրայի բաժինը, որպեսզի բարձրագույն կրթության վկայական ստանա: Նրա կենսագրությունը կազմված է մի քանի տողից․

2019թ․ մայիսին նշանակվել է ՀՀ ԿԳՄՍ նախարարի օգնական, 2021թ․ հունվարից՝ ՀՀ ՊՎԾ ղեկավարի օգնական, իսկ հունիսի 20-ի ընտրություններով ՔՊ ցուցակով դարձել է պատգամավոր: Թե օգնականի փորձառությամբ մարդն ինչպես է սահմանամերձ համայնքը՝ Ադրբեջանի հետ սահմանակից Կապանը ղեկավարելու, միայն նրան առաջադրող «Քաղպայմանագիր» կուսակցությունը կիմանա: Իսկ կապանցիները նրա մասին այն գիտեն, որ այս տարիներին միայն ռոմանտիկ լուսանկարներ է հրապարակել և երևաններում կյանքը վայելել»:

Մանրամասները՝ թերթի համարում: