«Ինչպե՞ս է Շուշին «բանակցության» թեմա եղել մինչև պատերազմը, եթե պատերազմի 23-րդ օրը հայտարարել ես, որ սեղանին բացառապես «5+2» տարբերակն է»․ Շարմազանով

ՀՀԿ խոսնակ Էդուարդ Շարմազանովը ֆեյսբուքյան իր էջում գրել է. «2020-ի հոկտեմբերի 19-ին վարչապետի աթոռը զբաղեցնող անձին հարցրել եմ, թե այս պահի դրությամբ ի՞նչ է առաջարկվում միջնորդների կողմից։
Ինքը ուղիղ ասել է՝ «5 պլյուս 2» տարբերակը։
Այդ հանդիպմանը տարբեր ուժերի ներկայացուցիչներ են եղել և կարող են իմ պնդումը հաստատել։
Պարզ է, որ Շուշին ու Հադրութը չեն մտնում «5+2»-ի մեջ։
Հարց կապիտուլյանտին՝ ինչպե՞ս է Շուշին «բանակցության» թեմա եղել մինչև պատերազմը, եթե դու պատերազմի 23-րդ օրը հայտարարել ես, որ սեղանին բացառապես «5+2» տարբերակն է։
Ի դեպ, նույն բանն ասել ես նաև հրապարակային դեռ սեպտեմբերի 27-ին ԱԺ-ում։
Անհերքելի փաստ է՝ պատերազմում պարտվել ես դու, Շուշին ու Հադրութը հանձնել ես դու քո կապիտուլյացիոն ստորագրությամբ»։