Ընտրովի քննություն՝ զենքի գործով. «Հրապարակ»

«Հրապարակ»-ը գրում է. «Իրավապահներն ուշագրավ գործողություններ են իրականացնում ռազմամթերքի մատակարարման չարաշահմանն առնչվող հայտնի քրեական գործով: Խոսքն ԱԱԾ-ում քննվող զենքի գործի մասին է, որի շրջանակներում օրերս կալանավորվեցին պաշտպանության նախկին նախարար Դավիթ Տոնոյանը, մատակարար ընկերության տնօրեն Դավիթ Գալստյանը՝ Պատրոն Դավիթը, ինչպես նաև ԳՇ պետի տեղակալ Ստեփան Գալստյանը: Մինչդեռ, օրինակ, այդ ժամանակների ԳՇ պետ Արտակ Դավթյանը դեռ պաշտոնավարում է, նրան հարցաքննության էլ չեն կանչել։ Չեն հարցաքննել նաև պաշտպանության նախարարի նախկին տեղակալ Գաբրիել Բալայանին»:

Մանրամասները՝ թերթի համարում: