«Պաշտոնյայի կաշին պիտի լինի խաղասեղանին, որ բոլորն իմանան՝ ինչ է ձախողման գինը». Միքայել Նահապետյան

«Քաղաքացու որոշում» ՍԴԿ անդամ Միքայել Նահապետյանը ֆեյսբուքյան իր էջում գրել է․ «Իսկ երբևէ մտածե՞լ եք, որ վակցինացման դեմ դիմադրության պատճառներից մեկն էլ ձախողումների համար երբեք պատասխանատվություն չկրող, միշտ ինչ-որ արտաքին հանգամանքների վրա մեղքը գցող պաշտոնյաներն են:

Պատերազմի կառավարումից մինչև ավիացիա, արդարադատությունից մինչև հակահետախուզություն՝ չկա գեթ մեկ ձախողում, որի համար իսկապես մեղավոր ինչ-որ մեկը պատասխանատվության ենթարկվի և ասվի, որ «այս մարդուն մենք ազատել ենք, որովհետև խայտառակ ձախողել է»:

Էս պայմաններում նորմա՞լ չի, որ մարդիկ կասկածներ ունենան իրենց կյանքը վստահելու մի պաշտոնյայի, ով վաղը ինչ-որ ողբերգական կիքսի դեպքում կարող է հայտարարել՝ «կներեք, բայց հո մենակ մենք չենք էդ սխալն արել» ու շարունակի պաշտոնավարել:

Պաշտոնյայի կաշին պիտի լինի խաղասեղանին, որ բոլորը հստակ իմանան՝ ինչ է ձախողման գինը:

Հ. Գ. Ինքս կողմ եմ պատվաստումներին և, անկախ ամեն ինչից, ողջամիտ եմ համարում պատվաստվելը, որովհետև դրանից եկող ռիսկերն ավելի քիչ են, քան չպատվաստվելուց եկող ռիսկերը»: