Շաբաթ, 28 մարտի, 2026 թ.
|
Ստեփանակերտում`   +7 °C

«Լավրովի ակնարկի խորքում թերևս այն է, որ իրականում հենց «հնգյակն էլ որոշում» է». Հակոբ Բադալյան

«Լավրովի ակնարկի խորքում թերևս այն է, որ իրականում հենց «հնգյակն էլ որոշում» է». Հակոբ Բադալյան
285
Չորեքշաբթի, 20 հոկտեմբերի, 2021 թ., 14:42

Քաղաքական մեկնաբան Հակոբ Բադալյանի գրառումը. ««Էրդողանի պերճախոսությունը քաջ հայտնի է»,- ասում է Սերգեյ Լավրովը՝ անդրադառնալով ՄԱԿ ԱԽ հինգ անդամների մասին Էրդողանի հայտարարությանը: Իսկ Էրդողանը հայտարարել էր՝ Անգոլայում, որ ՄԱԿ ԱԽ հինգ մշտական անդամները չէ, որ պետք է որոշեն աշխարհի ճակատագիրը:

Լավրովի արձագանքն այստեղ էական է այն առումով, որ հնգյակով նոր աշխարհակարգ քննարկելու առաջարկը եկել էր հենց Ռուսաստանից՝ 2020 թվականի սկզբին, ընդ որում, այն ժամանակ, երբ Սոլեյմանիի սպանությունից հետո ՌԴ ու Թուրքիայի միջև սրվեց իրավիճակն Իդլիբում:

Պուտինի առաջարկը ՄԱԿ ԱԽ հնգյակում չարժանացավ ակտիվ ուշադրության: Բայց, Էրդողանի անդրադարձը թերևս վկայում է, որ այդուհանդերձ կան որոշակի տրամադրություններ: Այլապես ինչո՞ւ նա պետք է անդրադառնա մի թեմայի, որը չկա:

Ահա այդ համատեքստում էլ Լավրովի արձագանքը՝ Էրդողանի պերճախոսությունը, թարգմանաբար նշանակում է թերևս՝ Էրդողանի «պոռոտախոսություն» կամ «մեծախոսություն»: Այլ կերպ ասած, Լավրովի ակնարկի խորքում թերևս այն է, որ իրականում հենց «հնգյակն էլ որոշում» է: Այլ հարց է, թե որ հարցում հնգյակն ինչ որոշման է գալիս, իսկ որում՝ չի գալիս: Բայց Լավրովի ակնարկը թերևս հայտնի խոսքի համատեքստում է՝ Թուրքիայի «խաղը մինչև հնգյակի մարագ հասնելն» է»:

Աղբյուրը`   Հակոբ Բադալյան