«Հայաստանում որոշ «բոլորից խելացիներ» պայքարում են պատվաստման դեմ». Ծովինար Վարդանյան

ՔՊ-ական պատգամավոր Ծովինար Վարդանյանը գրում է. «Աշխարհը պատերազմ է հայտարարել համավարակի դեմ, բուժաշխատողներն օրուգիշեր պայքարում են մարդկանց կյանքի համար, իսկ Հայաստանում որոշ «բոլորից խելացիներ» պայքարում են պատվաստման դեմ: Երևակայության արգասիքները, աջից, ձախից լսած սալոնային խոսակցությունները առանց վարանելու տարածում են մարդկանց մեջ ու վտանգում բոլորիս կյանքը: Սա համամարդկային պայքար է, այս վարակը չի ճանաչում ոչ ահել, ոչ ջահել:
Սիրելի մարդիկ, խնդրում եմ ապավինեք գիտությանը, ՊԱՏՎԱՍՏՎԵՔ, կրեք դիմակ, ախտահանեք ձեռքերը, պահպանեք հեռավորություն:
Բոլորիս առողջություն և ողջախոհություն եմ մաղթում»: