«Նախարարը հավաստիացրեց, որ այս պահին քննարկում են հարցը». Թագուհի Թովմասյան

«Պատիվ ունեմ» խմբակցության պատգամավոր Թագուհի Թովմասյանի գրառումը․ «Շտապօգնության 6-րդ ենթակայանի վարորդները երկար ժամանակ գործադուլ էին անում: Քիչ առաջ խոսեցի Երևանի քաղաքապետարանի «Շտապբուժօգնություն» ՓԲԸ տնօրեն Թագուհի Ստեփանյանի հետ, ով հավաստիացրեց, որ իսկապես կա խնդիր։ 2014 թվականին շտապօգնության վարորդների աշխատավարձը բարձրացվել է 100%-ով, իսկ վերջին անգամ 2020 թվականին՝ 10%-ով։ Այժմ յուրաքանչյուր հերթապահության համար ստանում են մոտ 11․000 դրամ, իսկ ամսվա ընթացքում հնարավոր է ունենալ առավելագույնը 10 հերթապահություն։ Այսինքն՝ ամսվա կտրվածքով վարորդները ստանում են մոտ 110 000 դրամ։

Զրուցեցի նաև ՀՀ առողջապահության նախարար Անահիտ Ավանեսյանի հետ։ Նախարարը հավաստիացրեց, որ այս պահին քննարկում են հարցը, և պետք է շուտով արձագանքեն վարորդների բողոքին։ Նախարարը հավելեց, որ աշնանն իսկապես ծանրաբեռնվածություն լինում է, սակայն պետք է հասկանալ, որ եթե շտապօգնության մի ծառայության վարորդների աշխատավարձը բարձրացնեն, այն կարող է խտրական լինել և խնդիրներ առաջացնել։ Փորձեցի կապվել նաև Երևանի քաղաքապետ Հայկ Մարությանի հետ, սակայն դեռ չստացվեց:

Հետևողական եմ լինելու խնդրի կարգավորման հարցում և կապի մեջ կլինեմ վարորդների հետ»: