«Քո իմացությամբ զանգել եմ մեկին, որ նման բան էր արել»․ Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է․ «Բորի՛ս, իսկ միգուցե ասե՞ս, որ գոնե ես անձամբ բազմիցս կտրուկ խոսել եմ ու արտահայտվել եմ քո ազգային պատկանելությունը որևէ բացասական կոնտեքստում շոշափելու դեմ: Անգամ քո իմացությամբ զանգեր եմ արել մեկին, որ նման բան էր արել: Ընդ որում՝ քեզ հետ մասնավոր զրույցներում այդ թեման նույնպես քննարկել եմ: Եվ հրապարակայնորեն նույնպես՝ բազմաթիվ անգամներ: Եվ պարզել ենք, որ դա եզակի դեպքեր են եղել, իսկ եզակի աջակիցների անձնական, հատկապես դատապարտելի մտքերն ու արտահայտությունները որևէ կերպ հնարավոր չէ կապել Բևեռի կամ Սասնա Ծռերի հետ:
Քո ստատուսից քո ազգային պատկանելության հանգամանքը քո քաղաքական և գուցե ոչ միայն քաղաքական մոտիվացիով պայմանավորված ու քո կողմից շահարկման տարրեր են երևում:
Դա շատ հայտնի երևույթ է հատկապես ամերիկյան քաղաքագիտության մեջ և կոչվում է playing the race card:
Կհավելեմ, որ դա շատ անմաքուր և դատապարտելի երևույթ է»: