«Կրեմլը հայ ժողովրդին կառավարում է Փաշինյանի ու Քոչարյանի միջոցով». Սեֆիլյան

Երեկ ընդդիմության կազմակերպած հանրահավաքի վերաբերյալ Ժիրայր Սեֆիլյանը հավաստիացրեց, որ Քոչարյանը միայն խանգարում է հայ ժողովրդին:

«Կրեմլը հայ ժողովրդին կառավարում է մի քանի միջոցներով. մեկը Փաշինյանն է, մյուսը՝ Քոչարյանը: Լավ պիտի լինի, որ Քոչարյան կոչեցյալը կողք կանգնի, չխանգարի մեր ժողովրդին: Նա մեծ հաշվով կատարում է Կրեմլի հրահանգը: Այդ քաղաքական դիակը պիտի քաղաքական ասպարեզից հեռանա: Նրա ետևից գնացող ժողովուրդը մեր ժողովուրդն է: Մենք համբերատարորեն բացատրելու ենք մեր ժողովրդին, որ ճիշտ ուղին դա չէ: Ո՞ւմ ետևից եք գնում, այն ուժի ետևից, ով ուզում է Հայաստանի ինքնիշխանությունը խլի՞, մեր՝ դե յուրե անկախ երկիրը միացնի Ռուսաստանին, որը նոյեմբերի 9-ի սև թղթի հետ համակերպվե՞լ է:
Քոչարյանն այսուհետ երբեք չի կարող նորից որևէ պաշտոն զբաղեցնել Հայաստանի Հանրապետությունում»,- ասաց ԱԺԲ-ի անդամը կուսակցության հանրահավաքից առաջ: