«Իշխանությունը մեկ նպատակ ունի՝ մաքրազարդել կապիտուլյանտին այս գործընթացում»․ Մամիջանյան

«Քննիչ հանձնաժողովն առաջին հերթին ընդդիմության գործիք է, որովհետև ընդդիմությունը չունի ուժայիններ, քննչական մարմիններ, իսկ իշխանությունը դա ունի։ Եթե առկա են հազարից ավելի քրեական գործեր 44-օրյա պատերազմի ընթացքում այս կամ այն գործընթացի վերաբերյալ, ինչո՞ւ իշխանությունը պետք է ևս մեկ ինստիտուտ հիմնի, սա ինձ համար անհասկանալի է»,- այսօր ԱԺ-ում, լրագրողների հետ զրույցում, ասաց «Պատիվ ունեմ» խմբակցության քարտուղար Հայկ Մամիջանյանը։

«Թե ինչու է իշխանությունը որոշել աշխատել ընդդիմության գործիք հանդիսացող քննիչ հանձնաժողովով, հստակ պարզ է, որպեսզի նշանակի մեղավորներ և պատասխանատվությունն ու մեղքը գցի իրենց վրայից, ինչը չի հաջողվելու։ Իշխանությունը մեկ նպատակ ունի՝ մաքրազարդել կապիտուլյանտին այս գործընթացում»,- կարծիք հայտնեց Հայկ Մամիջանյանը։