«Ականջները երևացին». Ռուբեն Շուխյան

Պատմաբան Ռուբեն Շուխյանը սոցկայքի իր էջում գրել է. «Ականջները երևացին. Լեհաստանի վարչապետը ուղիղ մեղադրեց Թուրքիային՝ ՌԴ-ի հետ միասին բելառուսալեհական սահմանին ներգաղթյալների միտումնավոր ճգնաժամ ստեղծման համար։ Բացահայտվել է, որ Թուրքիան ամենաակտիվ դերակատարումն է ունեցել՝ Մերձավոր Արևելքի ապօրինի ներգաղթյալներին Բելառուս տեղափոխելու հարցում, որից հետո Լուկաշենկոն ուղղորդել է նրանց Լեհաստանի հետ սահման։ Լեհաստանի իշխանություններն առանձնացրել են այն ավիաընկերությունները, այդ թվում՝ թուրքական պետական Turkish Airlines-ը և ռուսական Aeroflot-ը, որոնք միգրանտներին Բելառուս են տեղափոխում: Եվրահանձնաժողովի նախագահ Ուրսուլա ֆոն դեր Լեյենը երկուշաբթի հայտարարել էր, որ ԵՄ-ն կուսումնասիրի, թե ինչպես պատժել երրորդ երկրների ավիաընկերություններին, որոնք ակտիվ են մարդկանց թրաֆիքինգի կազմակերպման գործում»։