Հինգշաբթի, 20 հունվարի, 2022 թ.
|
Ստեփանակերտում`   -3 °C

Լուկաշենկոն սպառնացել է փակել գազի տարանցումը Եվրոպա

Լուկաշենկոն սպառնացել է փակել գազի տարանցումը Եվրոպա
917
Հինգշաբթի, 11 նոյեմբերի, 2021 թ., 15:48

Բելառուսի նախագահ Ալեքսանդր Լուկաշենկոն հայտարարել է, որ պատրաստ է կոշտ արձագանքել ԵՄ երկրների և Լեհաստանի կողմից հնարավոր պատժամիջոցներին, մասնավորապես՝ սահմանի ամբողջական փակման վերաբերյալ հայտարարություններին, հայտնում է БелТА-ն:

«Մենք տաքացնում ենք Եվրոպային, նրանք մեզ սպառնում են սահմանների փակմամբ: Իսկ եթե մենք փակենք գազի տարանցումը Եվրոպա... Խորհուրդ կտամ, որպեսզի Լեհաստանի, Լիտվայի և մյուս անգլուխների ղեկավարությունը մտածի նախքան խոսելը։ Բայց դա նրանց գործն է»,- ասել է Լուկաշենկոն:

Հիշեցնենք՝ Բելառուսով անցնում է Յամալ-Եվրոպա անդրազգային գազատարը:

Ավելի վաղ հայտնել էինք լեհ-բելառուսական սահմանին ստեղծված իրավիճակի մասին: