«Իշխանության համար կարևոր ա, որ այս մի ամիսը լինեմ կալանքի տակ». Արթուր Սարգսյան

Ինչպես հայտնել էինք, Սիսիանի նախկին քաղաքապետ, «Հայաստան» խմբակցության պատգամավոր Արթուր Սարգսյանին կրկին կալանավորելու որոշում է կայացվել: «ԱԺ-ում էի, լրատվամիջոցներից իմացա, որ կալանավորման որոշում է կայացվել: Նիստի մասին ծանուցված չենք եղել»,- ՔԿՀ-ի մոտ լրագրողների հետ զրույցում ասել է Սարգսյանը: «Այս հետապնդումը քաղաքական է, բայց ոգիս տեղն ա, դուխս տեղն ա, թեկուզ մի ամիս էլ նստեմ: Դեկտեմբերի 29-ին գործի վաղեմության ժամկետը լրանում է, ուզեն-չուզեն՝ պիտի բաց թողնեն: Էս մի ամիսը իշխանությունների համար կարևոր ա, որ ես լինեմ կալանքի տակ. իմ՝ ազատության մեջ մնալը խանգարում է իշխանության ծրագրերին»,- հավելել է նա: