«Զինվորի կյանքը արժեք չի ունեցել իշխանությունների համար, այդ թվում՝ ներկայիս». Ժաննա Ալեքսանյան

Իրավապաշտպան Ժաննա Ալեքսանյանի ֆեյսբուքյան գրառումը․ «Զինվորի կյանքը արժեք չի ունեցել հայաստանյան իշխանությունների համար, այդ թվում՝ ներկայիս, նրանց վարած քաղաքականության հիմքում զինվորի կյանքի ապահովումը չէ, այլ ինչպես պահպանել սեփական իշխանությունը։ Ձախողված քաղաքականություն։ Պատերազմում կորցնել մի քանի հազար զինվոր և չունենալ նորմալ դիրքեր, խրամատներ, այլ պայմաններ զինվորի համար։ Հազարավոր ոչ միայն զոհեր, այլև բեկված ընտանիքներ։ Բաքվում ունենալ գերեվարված ռազմագերիներ և շարունակել ավելացնել այդ թիվը։ Հեշտ, շատ հեշտ են մեր զինվորները հեռանում կյանքից, բազում անիմաստ մահեր, որոնք կարող էին չլինել այս պատերազմում ու դեռ շարունակվում են։ Անիմասստ մահեր նաև ոչ մարտական պայմաններում՝ 2020-ին միայն 100 զինվոր է կյանքից զրկվել։ Ինչ է արել այս իշխանությունը՝ Պնախարարներ փոխելուց և իր ձախողված քաղքականությանը հարմարեցնելուց բացի»: