«Ի՞նչ պայմաններով, ինչի՞ դիմաց, գաղտնի ի՞նչ պայմանավորվածությամբ». Հայկ Մամիջանյան

ԱԺ «Պատիվ ունեմ» խմբակցության պատգամավոր Հայկ Մամիջանյանը, անդրադառնալով դելիմիտացիայի ու դեմարկացիայի գործընթացին, որի մասին երեկ հայտարարեց վարչապետը, ասաց՝ թե՛ պատգամավորները, թե՛ փորձագետները, թե՛ հասարակությունը, չի կարող գնահատական տալ մի գործընթացի, որի մասին որևէ տեղեկատվություն տրամադրված չէ: «Ո՞նց է ստացվում, որ փաստացի ուժի կիրառման սպառնալիքի տակ է ՀՀ-ն մտնում այդ գործընթացի մեջ. ի՞նչ պայմաններով, ինչի՞ դիմաց, գաղտնի ի՞նչ պայմանավորվածությամբ»,- ասաց պատգամավորը: