«Ունենք 2 հրատապ խնդիր». Վարազդատ Հարությունյան

Իրավաբան Վարազդատ Հարությունյանը ֆեյսբուքյան իր էջում գրել է. «Թեզ են շպրտել տեղեկատվական դաշտ, թե իբր հայոց նորագույն պատմության ամենադավաճան ու հողատու երևույթը չի ուզում ստորագրել նոր կապիտուլացիան, բայց իրեն ստիպում են դա անել:
Խնդիրը ձևակերպում են մոտավորապես այսպես՝ «մի խանգարեք, թողեք թող աշխատի, որ չհանձնի»:
Ընդ որում՝ այս ամենն այն պարագայում, երբ նույն հողատուն տառացիորեն հաստատում է, որ «պատրաստ է ստորագրել»:
Եկեք հասկանանք էլի՝ ակնհայտ գործակալական իշխանությանը թողնել աշխատել նշանակում է՝ ստորագրել ցանկացած կենտրոնից պարտադրվող ցանկացած կապիտուլացիոն փաստաթուղթ, որի նպատակը բացառապես սեփական իշխանությունը երկարաձգելն ու Հայաստանը նոր ավանտյուրաների մեջ ներքաշելն է:
Այն, որ դրսի ԲՈԼՈՐ ուժերը փորձում են սրանց ձեռքով իրագործել սեփական նպատակահարմարություններին սազական օպերացիաներ, դա փաստ է, իսկ այդ ուժերին այդ բանի համար գայթակղում է բացառապես սրանց իշխանության գոյության փաստը:
Ավելացնեմ՝ բոլոր այդ դրսի ուժերը որպես մեր գլխին մահակ օգտագործում են ադրբեջանական ագրեսիայի վտանգը, բոլորն են դա անում, բոլորը:
Նշանակում է ունենք 2 հրատապ խնդիր՝ 1) վռնդել գործակալական իշխանություններին ու ձևավորենք անցումային ազգային համաձայնության կառավարություն և 2) զինենք ու պատրաստենք ազգաբնակչությանը ու փակենք ադրբեջանական ագրեսիայի վտանգի էջը:
Հ.Գ. Տղե՛րք, Հայրենիքի հարց ա, մանկապարտեզ չի ու այս ամենից հետո ձեր՝ «ես սխալվում էի....» արտահայտությունն ասնավանին չի լինելու»: