Շաբաթ, 04 դեկտեմբերի, 2021 թ.
|
Ստեփանակերտում`   +10 °C

«Պետք է հասկանանք՝ նոր աշխարհակա՞րգ է գործում՝ ով որտեղ ուզի՝ կկրակի, կսպանի, կներխուժի՞»․ Ն․ Փաշինյան

«Պետք է հասկանանք՝ նոր աշխարհակա՞րգ է գործում՝ ով որտեղ ուզի՝ կկրակի, կսպանի, կներխուժի՞»․ Ն․ Փաշինյան
164
Երեքշաբթի, 23 նոյեմբերի, 2021 թ., 20:35

«Ամեն ինչ անելու ենք, որպեսզի Ադրբեջանին չհաջողվի տարածաշրջանի կոմունիկացիաների բացման թեման հանել օրակարգից։ Նոյեմբերի 9-ի հայտարարությունն ինչքան էլ նենգափոխվի, շատ հստակ 9-րդ կետը ձևակերպված է։ Իսկ 2021 թ-ի հունվարի 11-ի հայտարարության մեջ ավելի մանրամասն է ձևակերպված, թե ինչպես է դա տեղի ունենում»,- Հ1-ի եթերում ասաց ՀՀ վարչապետ Նիկոլ Փաշինյանը։

«Այս վիճակը, կարծում եմ, ավելի պետք է միջազգայնանա, որովհետև սա արդեն Հայաստանի և Ադրբեջանի հարաբերությունների հարց չէ։ Սա, ընդհանրապես, միջազգային իրավունքի և աշխարհակարգի հարց է։ Ասենք՝ Ադրբեջանի նախագահը հայտարարում է՝ որտեղ ուզենք, կկանգնենք։ Սա ի՞նչ է նշանակում։ Այսինքն՝ մենք պետք է հասկանանք՝ նոր աշխարհակա՞րգ է գործում, որտեղ, ով որտեղ ուզենա, կկանգնի՞։ Սա նշանակում է, որ նույն կերպ, որևէ երկիր Ադրբեջանի տարածքում, որտեղ ուզենա, կկանգնի՞․ կամ Ադրբեջանը, եթե նման հռետորիկա է կիրառում մի հարևանի նկատմամբ, նշանակում է իր բոլոր հարևաններին հայտարարում է՝ որտեղ ուզենա, կկանգնի՞։ Կամ սա նշանակում է՝ միջազգային իրավունքի նոր է՞ջ է բացվում»,- անդրադառնալով նոյեմբերի 9-ի հայտարարությամբ կոմունիկացիաների բացմանն առնչվող հարցին, ասաց Փաշինյանը՝ հավելելով․ «ՄԱԿ-ի կանոնադրությունը, մյուս միջազգային փաստաթղթերը գոյություն չունե՞ն, և ով՝ երբ, որտեղ ուզի՝ կկրակի, կսպանի, կներխուժի՞։ Սա պետք է դառնա միջազգային լրջագույն քննարկման առարկա»։