Փաշինյանը՝ «3+3»-ի և Ղարաբաղյան հարցի մասին

«Ղարաբաղի հարցը տարածաշրջանային առաջարկվող «3+3» նոր ֆորմատում չի քննարկվի, այդ հարցի համար կա ԵԱՀԿ Մինսկի խմբի համանախագահության ֆորմատը։ Ընդհանրապես, բոլոր այն տարածաշրջանային հարցերը, որոնց քննարկման և լուծման համար արդեն կան այլ ֆորմատներ, չեն կարող քննարկման առարկա լինել «3+3» ձևաչափում։
Տարածաշրջանային կոմունիկացիաների բացման համար Եռակողմ հանձնաժողով ունենք ձևավորած, այդ հարցը ևս «3+3»–ում չպետք է քննարկվի։ Պետք է քննարկվեն այնպիսի հարցեր, որոնք ունեն կոնտեքստային նշանակություն ու չեն կրկնում այլ ձևաչափերում արդեն գոյություն ունեցող օրակարգերը։ Այս պահին սա է մեր դիրքորոշումը»,– առցանց հարցուպատասխանի ընթացքում ասաց Փաշինյանը։