«Բենզինը թանկ է, քանի որ կառավարությունը չի ուզում, որ այն էժան լինի. վե՛րջ». Արման Վարդանյան

Ռեժիսոր Արման Վարդանյանի գրառումը. «Երբ Հրապարակ կայքը կառավարության փոխարեն պատասխանում է այն հարցին, թե ինչու է Հայաստանում բենզինը թանկ, մտածում եմ՝ արդյոք ժամանակը չի՞ լուծարել պետական ինստիտուտները, քանի որ անիմաստ ռեսուրսներ են վատնում։ Հենա՝ Հրապարակը էժան գներով այդ գործը անում է։
Հ.Գ. Երեկ Նիկոլը խուսափեց պատասխանել այն հարցին, թե ինչու՝ Կապան-Գորիս շրջանցող ճանապարհի շինարարական աշխատանքները ուշ սկսեցին և անորակ իրականացերցին։ Դրա փոխարեն ասաց, որ բոլոր երկրորդական, երրորդական, երեսուներրորդական նշանակության ճանապարհներ են ասֆալտապատել։
Գիտակից ՀՀ քաղաքացուն չպետք է հետաքրքրի, թե ինչու է թերացել կառավարությունը. նա ֆիքսում է թերացումը, գնահատական է տալիս և անցնում առաջ։ Բենզինը թանկ է, քանի որ կառավարությունը չի ուզում, որ այն էժան լինի, վե՛րջ»: