«Եթե որևէ մեկը կասի, որ Արցախի հարցը լուծված է, ուրեմն՝ նա թուրք է». Արմեն Աշոտյան

ՀՀԿ փոխնախագահ Արմեն Աշոտյանը ֆեյսբուքյան իր էջում գրել է․ «Մեզ պետք չի Սյունիքով Ադրբեջան այդ ճանապարհը, որովհետև մենք այդքան բեռ, օրինակ՝ երկաթուղային, Իրան տեղափոխելու չունենք, չունենք նաև անվտանգային երաշխիքներ, այդ ճանապարհն այդ գնով մեզ պետք չէ:

Այդ նոր ճանապարհի մեջ չկա տնտեսություն, կա թյուրքական շահ, որովհետև այդ ճանապարհը պետք է Թուրքիային և պանթյուրքիզմով տառապողներին: Ապաշրջափակումը, ճանապարհների բացումը հետևանք պետք է լինեին Արցախի հարցի լուծմանը:

Եթե որևէ մեկն այսօր կասի, որ Արցախի հարցը լուծված է, ուրեմն՝ նա թուրք է, որովհետև դա ասում է Ալիևը: Եթե հարցը լուծված չէ, հետևանքները կոնֆլիկտի ինչպե՞ս ես վերացնում:

Այդ ճանապարհը պետք է բացառապես թուրքերին և թյուրքերին և ես կարող եմ դա ապացուցել ցանկացած մարդու՝ Նիկոլից սկսած:

Անբարոյականություն է, երբ դու չես լուծել քո ազգային իղձը, բայց, անձնական շահը գերադասելով, մտնում ես առևտրի մեջ թուրքերի հետ»: