«Ընդդիմությունը պետք է պահի իր դեմքը»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Տառապանքս փորձ ունի, Հայաստանում ընտրություններով իշխանափոխություն չի եղել։ ԱԺ ընտրություններից մոտ մեկ ամիս առաջ գրել եմ՝ պետք է պատրաստ լինել հունիսի 8-ին, ունենալ պլան Բ։ Մինչև հիմա ընդդիմությունը մեծ սխալներ չի արել։ Կարևոր է միշտ ազնիվ երկխոսության մեջ լինել հանրության հետ, բացատրել, թե այս կամ այն քայլերն ինչո՞ւ արվեցին կամ՝ չարվեցին։ Առաջիկայում Իլհամ Ալիևը Նիկոլ Փաշինյանից պահանջելու է փոխել սահմանադրությունը, սահմանազատման շարունակությամբ նոր տարածքներ, անկլավները հանձնել։ Ռուսաստան Հայաստանից գյուղմթերքների, կոնյակի արտահանման արգելքի, Երևանում շինարարական բումի ավարտի, արտերկրից ներդրումներ չլինելու, ապիկար կառավարման հետևանքով Հայաստանի տնտեսական վիճակը վատթարանալու է, առաջիկայում աղքատ խավերի սոցիալական վիճակն ավելի է սրվելու։ Ընդդիմությունը պետք է պահի իր դեմքը, մնա ընդդիմադիր, որպեսզի Նիկոլ Փաշինյանի իշխանությանը այլընտրանք դառնա, գործի ըստ իրավիճակի»։