Հինգշաբթի, 18 օգոստոսի, 2022 թ.
|
Ստեփանակերտում`   +21 °C

«Թեհրանն ու Բաքուն համաձայնագիր են ստորագրել. սա մեզ համար պակաս վտանգավոր չէ, քան միջանցքի տրամադրումը». Վահե Դավթյան

«Թեհրանն ու Բաքուն համաձայնագիր են ստորագրել. սա մեզ համար պակաս վտանգավոր չէ, քան միջանցքի տրամադրումը». Վահե Դավթյան
416
Կիրակի, 28 նոյեմբերի, 2021 թ., 21:42

«Էներգետիկ անվտանգության ինստիտուտ» գիտահետազոտական ՀԿ նախագահ, էներգետիկ անվտանգության փորձագետ Վահե Դավթյանի գրառումը. «Թեհրանն ու Բաքուն համաձայնագիր են ստորագրել՝ Իրանի տարածքով Թուրքմենստանից դեպի Ադրբեջան գազի մատակարարումների մասին՝ տարեկան մինչև 2 մլրդ խմ ծավալով։
Մեր աչքերի առաջ տեղի է ունենում Կասպից֊Կովկասյան տարածաշրջանի խորքային փոխակերպման գործընթացը, որում Հայաստանը հերթական անգամ որպես մանրադրամ է օգտագործվում։
Իրանա-ադրբեջանական նման համաձայնագրի ստորագրումը ոչ մանևր է, ոչ էլ տեխնիկական դիվերսիֆիկացիա։ Սա կողմերի միջև ռազմավարական հարաբերությունների հաստատման քաղաքականության ուղիղ արգասիքներից է, որը նաև որպես փոխադարձ զսպման գործիք է կիրառվելու։ Իսկ եթե ավելի հստակեցնենք տեղի ունեցածը, ապա ակնհայտ է, որ տարածաշրջանային խաղացողները համաձայնության են եկել «Հյուսիս-Հարավ» տրանսպորտային-էներգետիկ երթուղու լոգիստիկայի մասով (ինչի մասին գրում եմ առնվազն 2017-ից)։
Ի դեպ, Հայաստանի համար դա պակաս վտանգավոր չէ, քան միջանցքի տրամադրումը։ Իսկ երկարաժամկետ կտրվածքով՝ գուցե նույնիսկ ավելի վտանգավոր»։

Աղբյուրը`   Վահե Դավթյան