«Երկու չաշխատող անձինք ինչպե՞ս են հասանելիություն ունեցել այդպիսի կարևորագույն տեղեկությունների»․ Հակոբ Բադալյան

Քաղաքական մեկնաբան Հակոբ Բադալյանի գրառումը. «ԱԱԾ հայտնում է պետական դավաճանության դեպքի նախաքննության ավարտի մասին: Հասկանալի է, գործն ամբողջապես ուշադրության արժանի է, բայց առաձնացնեմ մի դրվագ:
Նշվում է, որ երկու քաղաքացի, որոնք չեն ունեցել մշտական աշխատանք և կայուն եկամուտ ու աշխատանքի համար մեկնել են Թուրքիա, այնտեղ հավաքագրվել են Ադրբեջանի համար: Հետո սկսել են այստեղից պետական գաղտնիք պարունակող տեղեկություն հայտնել, ինչը էապես վնասել է մեր պաշտպանությանն ու նպաստել թշնամու առաջխաղացմանը:
Մի հարց է հետաքրքիր. երկու չաշխատող անձինք ինչպե՞ս են հասանելիություն ունեցել այդպիսի կարևորագույն տեղեկությունների: Պատասխանը, եթե մեկ բառով նշենք, թերևս հետեւյալն է՝ «բարձիթողիության» հետևանքով, որ տիրել է մեր անվտանգային համակարգում գրեթե միշտ: Դե, եթե մի պատերազմող երկրի առաջնագիծ տարիներ շարունակ տեսախցիկ և ֆոտոխցիկ ունեցող ամեն երրորդի համար եղել է «նկարահանման պովիլիոն», պատկերացնելի է, թե ինչ է եղել այլ «գծերում»»: