Երկուշաբթի, 24 հունվարի, 2022 թ.
|
Ստեփանակերտում`   +6 °C

«Պարզել՝ այդտեղ որևէ չարամտություն եղել է, թե ոչ»․ Փաշինյանը՝ Դավթյանին

«Պարզել՝ այդտեղ որևէ չարամտություն եղել է, թե ոչ»․ Փաշինյանը՝ Դավթյանին
152
Հինգշաբթի, 02 դեկտեմբերի, 2021 թ., 11:48

Այսօր՝ Կառավարության նիստի ժամանակ, վարչապետ Նիկոլ Փաշինյանը, դիմելով առողջապահության նախարար Անահիտ Ավանեսյանին, հարցրեց՝ արդյոք կորոնվիրուսից մահվան թվերի վիճակագրական տարբերությունների հետ կապված որևէ եզրակացություն կա։

«Ձեր հանձանարարականով ուսումնասիրությունները շարունակվում են»,- պատասխանեց նախարարը՝ հավելելով, որ ավարտելու և ամբողջական պատկեր ունենալու դեպքում այն կհրապարակվի։

Այնուհետև դիմելով գլխավոր դատախազ Արթուր Դավթյանին՝ Նիկոլ Փաշինյանը հանձնարարեց պարզել, թե ինչու են կորոնավիրուսից մահվան թվերը ԱՎԾ-ում և ԱՆ-ում տարբեր։

«Երբ որ Կառավարությունում ծառայողական քննությունն ավարտվի, ես հանձանարարել եմ, որ ամեն դեպքում Դատախազություն էլ ուղարկվի։ Սկզբունքային կարևոր հարց է պարզել՝ այդտեղ որևէ չարամտություն եղել է, թե ոչ։ Այս պահի դրությամբ տպարվորությունն այն է, որ չարամտություն չկա, բայց ես կարծում եմ՝ ճիշտ կլինի, որ Դատախազությունն ուսումնասիրի, և այս հարցի հստակ պատասխանն ունենանք։ Եթե կա որևէ չարամտություն, որն առաջացնում է պատասխանատվություն, պետք է հետևողական լինել, եթե տեխնիկական է, դա էլ առիթ կլինի, որ համակարգային բացերը լրացնենք»,- ասաց վարչապետը։