«Երբ լրագրող էիք աշխատում, հաճախ էիք ինձ դիմում, որ ես դաստիարակչական բաներ ձեզ ասեմ»․ Սիմոնյանը՝ Խամոյանին

«Տիկին Խամոյան, երբ որ դուք Հանրային հեռուստատեսությունում լրագրող էիք աշխատում, շատ հաճախ ինձ դիմում էիք, որպեսզի ես դաստիարակչական բաներ ձեզ ասեմ, որ ձեզ օգնի այժմ, չգիտես ինչու, իմ խորհուրդը ձեզ դուր չեկավ․․․ Դե ոչինչ, պատգամավոր եք, հասկանում եմ»,- այսօր՝ ԱԺ նիստի ժամանակ արձագանքելով Հայաստան խմբակցության պատգամավոր Ագնեսա Խամոյանին, ասաց ԱԺ նախագահ Ալեն Սիմոնյանը։

«Ռուսաստանում իմ ելույթը սկանդալային է ձեզ համար, խորհուրդ կտամ ռուսաց լեզվի լավ մասնագետի հետ նորից դիտեք այդ տեսանյութը և հաջորդ նիստի ժամանակ այդ հարցը բարձրացնեք»,- հավելեց Սիմոնյանը։