«Դուք հիմա անլուրջ եք պահում ձեզ». Գուրգեն Արսենյանը չցանկացավ մեկնաբանել Ալեն Սիմոնյանի հայտարարությունը

«Ծնողների հետ ես արդեն խոսել եմ: Ես հիմա հանդիպում ունեմ՝ հանդիպեմ, կպրծնեմ, կգամ, կխոսենք»,- ԱԺ-ի մոտ լրագրողներին ասաց ՔՊ-ական պատգամավոր Գուրգեն Արսենյանը՝ չցանկանալով պատասխանել հարցերին:

Նա չմեկնաբանեց Ա. Սիմոնյանի տեսակետն այն մասին, թե գերիները դասալիք են. «Ես իմ տեսակետը ծնողներին փոխանցել եմ, կարող եք իմանալ: Մնացեք լրագրողական էթիկայի շրջանակներում: Դուք հիմա անլուրջ եք պահում ձեզ»,- ասաց Արսենյանը:

Հիշեցնենք, որ պատերազմում գերի ընկած և անհետ կորած զինծառայողների հարազատները ԱԺ-ի մոտ հանդիպում են պահանջում Ալեն Սիմոնյանի հետ:

Նշենք, որ երեկ, մինչև ուշ գիշեր գերիների հարազատները նույն պահանջով դարձյալ փակել էին Հանրապետության հրապարակի ճանապարհները: ԱԺ նախագահը փոխանցել էր, որ նրանց հետ կհանդիպի վաղը: