«Փաստորեն, գիտի՝ ով է ծախել, ով է հանձնել ու ոչինչ չի ձեռնարկում»․ Բաբկեն Պիպոյան

«Իրազեկ և պաշտպանված սպառող» ՀԿ նախագահ Բաբկեն Պիպոյանը ֆեյսբուքյան իր էջում գրել է. ««Ղարաբաղը դուք եք ծախել, հողերը դուք եք հանձնել, եթե պետք լինի, հատ-հատ կապացուցեմ»:
Փաստորեն, գիտի ով է ծախել, ով է հանձնել ու ոչինչ չի ձեռնարկում, դեռ սպասում է, որ մի բան լինի, նոր որոշի ապացուցի:
Երբ հող ծախելու ու հանձնելու մեջ մեղադրողը իշխանություն չէ, բնական է՝ իշխանություն չունեն, բացի մեղադրելը այլ բան անել չեն կարող: Երբ մեղադրողը իշխանություն է, անուղղակի խոստովանություն է, որ այդքան մարդկային ու տարածքային կորուստների պատճառներն ու մեղավորներին բացահայտելը իր առաջնահերթություններում չէ:
Հ.Գ. Հանցագործործության մասին իմանալն ու թաքցնելը ևս հանցագործություն է»: