«Ստի մասով դուք կարող եք աշխարհի առաջնության մասնակցել ու գրանցել պատվավոր հորիզոնական»․ Ալեքսանյանը՝ Մինասյանին

«Պարո՛ն Խաչատրյան, երբ որ գալիս ստեղ խոսում եք մեր կուսակցության հավաքած քվեներից, որոնք, ի դեպ, ՏԻՄ բոլոր ընտրությունների համագումարով 50,2 տոկոս է՝ պարզ մեծամասնություն, պետք է նաև խոսեք ձեր թվերից, որոնք 3,6 տոկոս են»,- այսօր ԱԺ ամբիոնից դիմելով ԱԺ «Հայաստան» խմբակցության պատգամավոր Արթուր Խաչատրյանին, ասաց ՔՊ-ական Վահագն Ալեքսանյանը։
«Համաեմատեք դա նախորդ խորհրդարանական ընտրություններում ձեր հավաքած 21 տոկոսի հետ և տեսեք այդքան բաղձալի թրենդը»,- ասաց Ալեքսանյանը։
Պատգամավորի խոսքին դահլիճից արձագանքեց «Հայաստան» խմբակցության պատգամավոր Արծվիկ Մինասյանը։ Ըստ Մինասյանի՝ հնչեցված թվերն իրականությանը չեն համապատասխանում։

Ի պատասխան՝ Ալեքսանյանն ասաց․ «Պարո՛ն Մինասյան, ստի մասով ես կարծում եմ՝ դուք կարող եք աշխարհի առաջնության մասնակցել ու վստահաբար գրանցել պատվավոր հորիզոնական»։