«Զուլումի օրերին եսասիրություն է կալանքից խոսելը, մենք ավելի ծանր օրեր ենք ունեցել»․ Մխիթար Զաքարյան

«Կալանք, քրեական հետապնդում ոչ ցանկալի իրավիճակ են, բայց մեր երկիրն այս վիճակում է, ժողովրդական լեզվով ասած՝ զուլումի օրերին եսասիրություն է կալանքից խոսելը, պրոցեսներ են, կանցնեն, մենք ավելի ծանր օրեր ենք անցել, բլենդաժում ենք ապրել, պետք է առաջ նայել և ամեն ինչ անել»,-Վարդաշեն ՔԿՀ-ի մոտ լրագրողների հետ զրույցում ասաց քիչ առաջ ազատ արձակված «Հայաստան» խմբակցության պատգամավոր Մխիթար Զաքարյանը:

Անդրադառնալով սահմանային իրավիճակին, պատգամավորն ասաց․ «Իմ տեսակետն այն է, որ սահմանային լարվածության, այսպիսի իրավիճակի դեմը պետք է առնի ուժեղ պետությունը, կանոնավոր բանակը։ Որպես նախկին քաղաքապետ, պատգամավոր՝ կարող եմ աջակցել, ցավալ այս իրավիճակի համար, բայց ռացիոնալը այն կլինի, որ մեր բանակը ուժեղանա, մեր ԳՇ-ն իր պարտավորությունները կատարի։ Մեծ հույս ունենք, որ դա կիրականանա։ Փառք ու պատիվ այն տղաներին, ովքեր այս ծանր պայմաններում իրականացնում են իրենց ծառայությունը»։