«Փաշինյանը կա՛մ ծրագրում է ներքին «մեծ լվացք», կա՛մ՝ խոստովանում լիակատար ձախողումը». Վ. Աթանեսյան

Քաղաքական վերլուծաբան Վահրամ Աթանեսյանի գրառումը. «Երեքուկես տարի լինել միակուսակցական կառավարության ղեկավար և խոսել պետական մարմինների չկայացածությունի՞ց։ Մնում է երկու եզրակացություն անել․ Փաշինյանը կա՛մ ծրագրում է ներքին «մեծ լվացք», կա՛մ՝ խոստովանում լիակատար ձախողումը։ Երկու դեպքում էլ, կարծես, նա արտաքին ուժերից ժամանակ է խնդրում։ Հակված եմ ենթադրելու, որ Հայաստանում օպտիմալ ժամկետներում իշխանափոխության հարցով պայմանավորվածություններ կան։ Այլապես, խելացնորություն կլիներ «զտումներ» սկսել։ Դա «փետրվարյան ապստամբություն» հրահրել կնշանակեր։ Պետք է հուսալ, որ աշխարհում կան առաջնորդներ, որ Հայաստանն ու հայկական ինքնությունը Փաշինյանից և նրա ձևավորած ինստիտուցիոնալ ընդդիմությունից ավելի թանկ են գնահատում՝ որպես, գոնե, քաղաքակրթական արժեք»։