«Հնարավոր եմ համարում, որ զինվորների վրա գործ է կարվում»․ Արտակ Հարությունյան

Ակտիվիստ Արտակ Հարությունյանը ֆեյսբուքյան իր էջում գրել է. «Օրենքով սահմանված պարտականությունները չկատարելու պատճառով կալանավորված զինծառայողների թեմայով հնչեցնեմ հետևյալ հռետորական հարցադրումները՝

• իշխանության ո՞ր պարտականությունների չկատարման արդյունքում է, որ թշնամին այդպես հեշտ որոշում է հարձակվել ինքնիշխան Հայաստանի տարածքների վրա, դիրքեր վերցնել, որի արդյունքում պետք է ունենանք գերիներ, զոհեր, հերոսաբար իրենք իրենց պայթացնող զինվորներ, պարտականությունները չկատարողներ և այլ իրավիճակներ։
• իշխանության ո՞ր պարտականությունների չկատարման արդյունքում է, որ հայ որոշ զինվորներ հարձակման ենթարկվելու պարագայում իրենց այնքան թույլ ու անպաշտպան են զգում, որ իրենց վստահված հողակտորը պաշտպանելու փոխարեն նախընտրում են հանձնվել թշնամուն։

Հ․ Գ. Ի դեպ, այս տողերը գրելիս ամբողջ ժամանակ մտքիս այն է, որ խախտում եմ որոշ զինվորների անմեղության կանխավարկածը, որովհետև ներկայումս որևէ վստահություն չունեմ գործող իշխանության նկատմամբ, հնարավոր եմ համարում, որ կոնկրետ զինվորների վրա գործ է կարվում՝ սեփական մեղավորությունը կոծկելու համար»։