«Խորհրդարանական ընդդիմության պասիվությունը Տիզբոնից եկած հրամանո՞վ է». Ոսկան Սարգսյան

Լրագրող Ոսկան Սարգսյանի գրառումը. «Ամեն անգամ Նիկոլ Փաշինյանը գնում է Ալիևի հետ բանակցությունների, ընդդիմությունը վաշ-վիշ է անում, խփում ծնկներին՝ գուժելով Փաշինյանի կողմից նոր կապիտուլյացիան։ Ինչի՞ համար են ընտրողները խորհրդարանական ընդդիմությանը ձայն տվել, որպեսզի նրանք վռնդեն հայրենադավ, ապիկար, փողամոլ իշխանությանը։ Իսկ խորհրդարանական ընդդիմությունն ի՞նչ է անում, լեզվակռվի մեջ է մտնում մանիպուլյատոր և դեմագոգ Նիկոլ Փաշինյանի հետ, ԱԺ-ում քաշքշուկների մեջ ընկնում, ջրի շիշ շպրտում, թիկունքով շրջվում դեպի Նիկոլ Փաշինյանը և այլն։ Խորհրդարանում որևէ հարց լուծե՞լ է ընդդիմությունը։ Ամառն էլ անցավ, աշունն էլ, բա ո՞ւր են փողոցային պայքարը, ճանապարհներ փակելը, գործադուլները, դասադուլները և այլն։ Հայրենադավ Նիկոլ Փաշինյանին և նրա ուսապարկերին ատող ընտրողներին չի հետաքրքրում, թե խորհրդարանական ընդդիմության պասիվությունը Տիզբոնից եկած հրամանո՞վ է, թե՞ այլ պատճառներով։ Հայաստանի վիճակն այնպիսին է, որ ցանկացած ժամանակ կարող են նշանակվել արտահերթ խորհրդարանական ընտրություններ, որոնց արդյունքներով ներկայիս խորհրդարանական ընդդիմության խորհրդարանում նորից հայտնվելու շանսը մեծ չէ»։