«Հիմա դուք ուզում եք անուննե՞ր տամ, ասե՛ք, ի՞նչ եք ուզում»․ Մխիթար Զաքարյանը՝ լրագրողին

«Կան թեմաներ, որոնց մասին խոսալու իրավունքը պետք է վաստակել։ Էսօր տեղից վեր կացողը գնահատում է առաջնագծում կանգնած տղաներին, որոնց մեջ, դժբախտաբար, գերեվարվածներ էլ կան․․․ Դա ես բարոյական չեմ համարում»,- այսօր՝ լրագրողների հետ զրույցում, ասաց «Հայաստան» խմբակցության պատգամավոր Մխիթար Զաքարյանը։

Լրագրողի հարցին, թե խոսքը Ալեն Սիմոնյանի, Նիկոլ Փաշինյանի մասի՞ն է, Զաքարյանը պատասխանեց․ «Հիմա դուք ուզում եք անուննե՞ր տամ, ասե՛ք, ի՞նչ եք ուզում։ Ես երևույթի մասին եմ խոսու»։

Այնուհետև խոսքը շարունակելով՝ պատգամավորը հավելեց․ «Պոստ պահող տղաների վարքը գնահատելու իրավունքը պետք է վաստակել։ Շատ հեշտ է, առանձնասենյակում փափուկ աթոռին նստած, գնահատել ՝ իրենք ճիշտ արեցին, թե ոչ»։