«Հնարավոր Կարս-Գյումրի երկաթուղիների բացումը Հայաստանի և Թուրքիայի համար մեծ հնարավորություն է». ԱԽ քարտուղար

ԱԽ քարտուղար Արմեն Գրիգորյանն այսօր Հանրային հեռուստաընկերության եթերում անդրադարձել է հայ-թուրքական հարաբերություններին:

«Ձեզ մեղադրում են, որ դուք սպասարկում եք թուրքական օրակարգը, ինչի՞ եք այդպես անում»,- դիմելով Գրիգորյանին՝ հարցրել է լրագրող Պետրոս Ղազարյանը:

«Հրապարակավ գործընթաց է եղել, պայմանական ասած, հարաբերությունները սկսելու մասին: Հիշում եք, երբ Թուրքիան հարաբերությունների վերաբերյալ դրական ազդակներ տվեց, նույնն էլ արեց Հայաստանը: Ինչ վերաբերում է օրակարգին, ասեմ, որ Հայաստանը բազմիցս ասել է՝ մենք գտնում ենք, որ պետք է նստել սեղանի շուրջ, խոսել և հասկանալ, թե ինչպիսի օրակարգ կարող ենք ձևավորել: Ընդհանուր առմամբ դեռևս օրակարգ չկա: Ընդհանուր առմամբ Հայաստանը պարաստ է հայ-թուրքական հարաբերությունների կարգավորմանը: Մենք տեսնում ենք, որ տարածաշրջանային լայն կոնտեքստում կա նման հնարավորություն, օրինակ՝ հնարավոր Կարս-Գյումրի երկաթուղիների բացումը Հայաստանի և Թուրքիայի համար մեծ հնարավորությունն է ստեղծում»,- նշել է Գրիգորյանը:

Մանրամասները՝ տեսանյութում: