«Չեմ վստահում «արտադրողին», որը գործում է նավակ ճոճողի ղեկավարած կառույցի «հովանու» տակ». Ն. Կիրակոսյան

Լրագրող Նարինե Կիրակոսյանը ֆեյսբուքյան իր էջում գրում է. «Կորոնավիրուսի դեմ երրորդ պատվաստման ժամանակն է մոտենում։ Քանի որ Սպուտնիկով եմ պատվաստվել, երրորդն էլ բնականաբար այդ ռուսական պատվաստանյութով պետք է անցնեմ։ Հետաքրքրվեցի և պարզվեց, որ Հայաստանն է արտադրում երրորդ դեղաչափը։ Այն կոչվում է Սպուտնիկ լայվ։ Փորփրեցի և որոշակի տեղեկություն հավաքեցի մեր երկրում գոյություն ունեցող դեղարտադրողների, նրանց արտադրության մասին։ Պարզվեց՝ իրականում նրանք ոչ թե դեղ են արտադրում, այլ ստանում են քիմիական բաղադրիչները (հիմնականում Չինաստանից) այլ երկրներից և համապատասխան դեղաչափով ընդամենը փաթեթավորում են դրանք։
Բնականաբար ոչ մի լաբորատոր հետազոտություններ, ոչ մի նոր գիտական ուսումնասիրություններ, ոչ մի սեփական նյութ այդ դեղագործական ընկերությունները չեն կատարում և չեն արտադրում։
Գիտե՞ք, քանի որ սա ընդամենը գրառում է սոցիալական հարթակում, այլ ոչ թե հոդված լուրջ գիտական վերլուծություններով, ուրեմն կարճ եզրակացություն եմ ներկայացնում. ես երևի հրաժարվեմ այդ երրորդ պատվաստումից։
Հանրային առողջության ոլորտում շատ կարևոր է ապահովել կանխարգելիչ հակահամաճարակային միջոցառումներ, որոնցից մեկը նաև պատվաստումներն են, բայց ես չեմ վստահում այն «արտադրողին», որը համապատասխան վերահսկողություն կամ չունի, կամ էլ գործում է էլ ավելի անվստահելի «հեղափոխական» նավակ ճոճող ածական անունով Վիլեն Գաբրիելյանի ղեկավարած կառույցի «հովանու» տակ։ Ենթադրելի է, որ համապատասխան գործունեություն ծավալելու համար և այդ գործակալությունը (Դեղերի ոլորտը կարգավորող այս կառույցը կոչվում է «ԱԿԱԴԵՄԻԿՈՍ ԷՄԻԼ ԳԱԲՐԻԵԼՅԱՆԻ ԱՆՎԱՆ ԴԵՂԵՐԻ ԵՎ ԲԺՇԿԱԿԱՆ ՏԵԽՆՈԼՈԳԻԱՆԵՐԻ ՓՈՐՁԱԳԻՏԱԿԱՆ ԿԵՆՏՐՈՆ» փակ բաժնետիրական ընկերություն) և ՀՀ առողջապահության նախարարությունը թույլտվություն պետք է տան։
Ի դեպ Վիլեն Գաբրիելյանը, որը հիմա պատգամավոր է, երկու անգամ հարցաշարս էլեկտրոնային մեյլին ուղարկել հորդորեց, վստահեցնելով, որ կպատասխանի լրագրողիս հարցերին և այդ հարցերին այդպես էլ չպատասխանեց։
Ըստ այդմ ես չեմ կարող և չեմ վստահում նրանց, ով առողջապահության ոլորտը նույնպես ստի ու կասկածելի ծառայությունների դուքյանի է վերածել»։

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
45116.11.2026, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
74913.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
89311.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
94509.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
92709.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
111606.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
116405.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
267404.11.2026, 23:31