«Էս երկու օրը կպած ստատուսներ ա գրում». Աշոտյան

«Էս երկու օրը կպած ստատուսներ ա գրում. բայց խի՞ ա գրում էդ ստատուսները»,- այսօրվա ասուլիսում անդրադառնալով ՀՀ վարչապետ Նիկոլ Փաշինյանի ֆեյսբուքյան գրառումներին, հարց բարձրացրեց ՀՀԿ փոխնախագահ Արմեն Աշոտյանը՝ պատասխանելով իր իսկ հարցին. «Քանի որ նա համոզիչ չէր ասուլիսի ժամանակ, քանի որ ակնհայտ կեղծիքներ և ստեր էր այդ ժամանակ բարձրաձայնում»:

«Աշխարհում քանի՞ պետություն կա, որտեղ ազգային փոքրամասնություններ կան՝ տասնյակ: Օրինակ, Ռուսաստանում ռուսները քանի՞ տոկոս են կազմում՝ 76-78. հիմա ի՞նչ, ռուսական պետությունը Ռուսաստանի Դաշնությունը չի՞, որ էնտեղ ռուսները ընդամենը 76 տոկոս են»,- անդրադառնալով վարչապետ Նիկոլ Փաշինյանի կողմից վերջին հարցազրույցում հնչեցրած թեզերին՝ համեմատություն անցկացրեց Ա. Աշոտյանը: