«Արցախի օրենսդիր իշխանությունը փաստացի հրաժարվում է Հայաստանի որևէ աջակցությունից». Լյովա Եղիազարյան

«Հանրապետություն» կուսակցության անդամ Լյովա Եղիազարյանի գրառումը․ «Արցախի ազգային ժողովի հայտարարությունն ունի ընդամենը մեկ կետ, այն էլ՝ ուլտիմատիվ․ «Անընդունելի է առանց Արցախի իշխանությունների տեսակետը հաշվի առնելու դիրքորոշում հայտնելը, քանի որ Արցախի ապագայի հարցով որոշում ընդունելու իրավասություն ունեն միայն Արցախի Հանրապետության քաղաքացիների կողմից ընտրությունների միջոցով ձևավորված իշխանությունները»։ Այս հայտարարությամբ Արցախի օրենսդիր իշխանությունը փաստացի հրաժարվում է Հայաստանի որևէ աջակցությունից։ Երեսուն տարվա մեջ Արցախի իշխանությունների կողմից չի եղել նման արկածախնդիր կարծիք։ Այս հայտարարության հետևում երևում է Հայաստանի ռևանշիստական ուժերի առաջնորդների ականջները, որոնցից մեկը դուրս թողեց Արցախը բանակցային գործընթացից, մյուսը՝ Արցախի կարգավիճակի հարցը։ Հակադրության կազմակերպիչների այս հանցավոր արարքն ունի մեկ նպատակ՝ վերադարձնել ղարաբաղյան կլանի իշխանությունը Հայաստանում։ Ձախողվելու են»։