«Իրանը դիրքավորվում է Սյունիքի հետ կապված աշխարհաքաղաքական կարևորություն ունեցող գործընթացների համատեքստում». Արմեն Պետրոսյան

Արևելագետ Արմեն Պետրոսյանի գրառումը. «Նախօրեին տեղեկատվություն տարածվեց առ այն, որ Իրանի կառավարությունը հավանության է արժանացրել Կապանում գլխավոր հյուպատոսություն բացելու վերաբերյալ երկրի արտաքին գործերի նախարարության առաջարկը:

Թեհրանի նման քայլն արդեն առարկայորեն փաստում է Իրանի կողմից Սյունիքի մարզի համակողմանի կարևորման իրողությունը, որի մասին բազմիցս է բարձրաձայնվել։ Մյուս կողմից՝ նման որոշմամբ Իրանը փաստացի նախընթաց դիրքավորվում է նաև Սյունիքի հետ կապված տարածաշրջանային, անգամ աշխարհաքաղաքական հետաքրքրություն ու կարևորություն ունեցող գործընթացների համատեքստում, որոնք մեկնարկել են 44-օրյա պատերազմից հետո և, վստահաբար, նոր զարգացումներ են դրսևորելու արդեն 2022թ.»։