«Ադրբեջանցիներին մենակ ես եմ դոշով դուրս հանել». ՔՊ-ական

«Համայնքը պիտի արդար ձեռքերում լինի, իսկ մեր ձեռքերում այն արդար է»,- Վարդենիսում ասել է ՔՊ-ական Արամ Մելքոնյանը: «Ադրբեջանցիներին մենակ ես եմ դոշով դուրս հանել»,- նշել է նա:

Ավելի վաղ հայտնել էինք, որ Վարդենիսի ավագանիում լարված իրավիճակ է:

Հիշեցնենք՝ դեկտեմբերի 5-ին տեղի ունեցած ՏԻՄ ընտրություններում «Քաղաքացիական պայմանագիր»-ը ստացել էր 13 մանդատ, «Ահարոն Խաչատրյան» դաշինքը՝ 10, «Միասնական Վարդենիս»-ը՝ 4 ։ Ընդդիմադիր ուժերն ընտրություններից հետո կոալիցիա կազմելու հուշագիր էին ստորագրել: Մանդատների քանակն արդեն բավարարում էր համայնքապետ ընտրելու համար:

Կոալիցիայի մասին հայտարարությունից հետո ձերբակալվել էր «Միասնական Վարդենիս» դաշինքի ցուցակը գլխավորող Ա. Հարությունյանը: