«Այդ փաստը բավական է, որ առաջին նախագահի ընդդիմախոսների «հիմնավորումները» որակվեն մանիպուլյատիվ»․ Վ․ Աթանեսյան

Քաղաքական վերլուծաբան Վահրամ Աթանեսյանի գրառումը․ «Միայն այն փաստը, որ 8000 քառակուսի կիլոմետր տարածքով ԼՂՀ միջազգային ճանաչման նպատակ հռչակած և դրանով նախագահ Լևոն Տեր-Պետրոսյանին հրաժարական պարտադրած ուժերը և անձինք ութ ամիս անց որպես բանակցությունների հիմք պաշտոնապես ընդունել են ԼՂ կարգավորման «Ընդհանուր պետություն» տարբերակը, որը ոչ այլ ինչ էր, քան Ադրբեջանի կազմում ինքնավարություն, բավական է, որպեսզի առաջին նախագահի բոլոր ընդդիմախոսների «հիմնավորումները» և «հայանպաստ լուծման նախադրյալների» մասին նրանց գեղեցկախոսությունները որակվեն մանիպուլյատիվ, այն էլ՝ լավագույն դեպքում։ Մինչև ապագայի անաչառ ուսումնասիրողը կտա այդ այլակերպության հիմնավոր մեկնաբանությունը»։