«Կոռոնատեռորը մոտենում է իր ինկվիզիցիոն կուլմինացիային»․ Վահե Թորոսյան

708

Երեքշաբթի, 11 հունվարի, 2022 թ., 14:12

Իրավաբանական գիտությունների թեկնածու Վահե Թորոսյանը ֆեյսբուքյան իր էջում գրել է. «Հունվարի 22֊ից հանրային վայրեր մուտքը՝ միայն ՊՇՌ թեստով կամ QR կոդով։
Կոռոնատեռորը մոտենում է իր ինկվիզիցիոն կուլմինացիային։
Դիվային ուժերի տեղական տնկիները վստահ քայլերով իրականցնում են Նոր աշխարհակարգի կառուցման ծրագիրը։
Բաբելոնյան աշտարակաշինարարների ձեռնածուները կանգ չեն առնում որևէ իրավական, բարոյական, մարդասիրական արգելքի առաջ՝ ցույց տալով որ իրենց նպատկները աղերս չունեն մարդու իրավունքների, հանրային առողջապահության և անհատի ազատության հետ։
Պետությունը լինելով այս վերազգային ծրագրի շահառուն՝ երբեք չհակադրվեց դրան, մենք չտեսանք որևէ պետական պաշտոնյանի, որը խոսեր մարդու իրավունքների համատարած և գռեհիկ խախտումների մասին, իսկ պետական ստորին օղակների աշխատակիցները լռելյայն կրեցին հարկադրանքի ողջ բեռը։
Ռեպրեսիաներից և աղետներից այլևս թմրած, անզգայացած և տկարացած հասարակությունը ի զորու չէ այս Հոգեվարակի, այս մենթալ ախտի դեմն առնել՝ փաստացի հաշտվելով իր նկատմամբ կիրառվող ցանկացած ներգործության հետ։
Սա այլևս Նոր Աշխարահակարգ է, այն Հականտրոպոլոգիական կոնցեպցիան, որը հիմնված է Իրավունքի և բարոյականության ոչնչացման, դեհումանիզացիայի, վախի, կամավոր և հարկադիր ստրկացման վրա։
Ցավում եմ, որ այս օրի հասանք...»։

Աղբյուրը` Վահե Թորոսյան