«Ադրբեջանական հերթական ագրեսիան սպասելի էր». Ռոբերտ Ղևոնդյան

Քաղաքագետ Ռոբերտ Ղևոնդյանը ֆեյսբուքյան իր էջում գրել է. «Ադրբեջանական հերթական ագրեսիան սպասելի էր, հատկապես Ղազախստանում մեր «փառապանծ ու հաղթական խաղաղության դարաշրջան բեղմնավորելու» ֆոնին: Ադրբեջանցիները մեր սխալներից շատ լավ սովորել են ու իրենք են կանխարգելիչ հարվածներ հասցնում, որ նույնիսկ չմտածենք ռևանշի մասին։ Բաց տեքստով էլ ասում են՝ հենց մի տեղ ոգևորվեք, խփելու ենք։ Թուրքերը թև են տվել, ռուսներն էլ ստանալիք ունեն, ոչ մեկը մեր փոխարեն դրանց չի զսպելու։

Անսպասելին նորից մնում է Հայաստանի անպատրաստ վիճակը։ Քանի անգամ կրկնենք. անընդհատ սա լինելու է, չի վերջանալու ո՛չ վաղը, ո՛չ 1 տարի, ո՛չ 100 տարի հետո, պատրաստվեք։ Մենակ ավելի ուժեղ հարվածով կարող ենք զսպել, ուրիշ ոչ մի ՀԱՊԿ-ՄԱՊԿ չի անելու դա»։