«ՀՀ-ն ճիշտ դիվանագիտական քայլ կկատարեր, եթե Ղազախստան ուղարկված մեր խաղաղապահ զորախմբին հենց հիմա հետ կանչեր». Մովսես Հարությունյան

Քաղաքագետ Մովսես Հարությունյանը ֆեյսբուքյան իր էջում գրել է. «ՀՀ-ն լիովին արդարացված ու ճիշտ դիվանագիտական քայլ կկատարեր, եթե Ղազախստան ուղարկված մեր խաղաղապահ զորախմբին հենց հիմա անհապաղ հետ կանչեր Հայաստան՝ հիմնավորմամբ, որ մեր սահմանին լարված է ադրբեջանական ագրեսիայի պատճառով։

Հա՛մ մեր դիվանագիտական նուրբ պատասխանը կտայինք ՀԱՊԿ-ի լռությանը, հա՛մ էլ աշխարհի ուշադրությունը կսևեռեինք մեր սահմանների վրա՝ ցույց տալով, որ խաղաղապահների կարիքն ավելի շատ այս պահին հենց մենք ունենք։

Եվ որ ամենակարևորն է՝ ՀԱՊԿ անդամ երկրները նեղանալու առիթ չէին ունենա, քանի որ մեր պարտավորությունն արդեն կատարել ենք՝ Ղազախստան խաղաղապահներ ուղարկելով, իսկ այս պահին ունենք այդ որոշման լրջագույն հիմնավորում»։