«Առաջարկվում է առևտրի սրահներում առանձնացված դարակաշարեր հատկացնել՝ ոչ բնական հումքից արտադրված կաթնամթերքի համար»․ նախարար

««Առևտրի և ծառայությունների մասին» օրենքում լրացումներ կատարելու նախագծով առաջարկվում է առևտրի սրահներում առանձնացված դարակաշարեր հատկացնել՝ ոչ բնական հումքից կամ ոչ մաքուր կաթից արտադրված կաթնամթերքի համար, որ սպառողները կարողանան հեշտությամբ տարանջատել իրարից մաքուր կաթնամթերքը և այլ յուղերով պատրաստված կաթնամթերքը»,- այսօր՝ լրագրողների հետ զրույցում, ասաց Էկոնոմիկայի նախարար Վահան Քերոբյանը:

«ԱԺ մեր գործընկերները հարց էին բարձրացրել, որ փոքր խանութներում դա տեխնիկապես հնարավոր չէ․ մենք համաձայն ենք նրանց հետ և մինչև երկրորդ ընթերցումը կդիտարկենք առևտրի սրահի այն նվազագույն չափը, որից բարձրի դեպքում խանութները պարտավոր կլինեն առանձնացված դարակաշարեր ունենալ»,- նշեց նա: