«Կորոնավիրուսի դեպքերի թվերն աճում են՝ հավանաբար պայմանավորված «Օմիկրոն» շտամով»․ Արսեն Թորոսյան

«Տարեվերջից մինչև օրս պատվաստումների տեմպի անկում ունենք, իսկ թվերն էլ աճում են՝ հավանաբար «Օմիկրոն» շտամով պայմանվորված, որովհետև աշխարհում գրեթե ամենուր աճում է»,- այսօր՝ «Ազատության» «Ֆեյսբուքյան ասուլիս»-ի ժամանակ, ասաց առողջապահության նախկին նախարար, ՔՊ-ական պատգամավոր Արսեն Թորոսյանը։

«Պետք է հավելյալ ջանք գործադրենք պատվաստումների ցածր տոկոսները շեշտակի աճեցնելու համար, որովհետև մահացու ալիքների վտանգ ունենք»,- ընդգծեց նա։
«Առաջին չորս ալիքների փորձը հաշվի առնելով՝ մոտակա մեկ ամսվա ընթացքում պետք է որ կտրուկ աճ ունենանք»,-կորոնավիրուսային հիվանդության իրավիճակի մասին ասաց Թորոսյանը։