«Սա չի կարող խնդրահարույց չհամարվել». Բորիս Նավասարդյան

Երևանի մամուլի ակումբի նախագահ Բորիս Նավասարդյանը ֆեյսբուքյան իր էջում գրել է. «Ռուբեն Ռուբինյանը տվյալ պահի համար բավականին հանգամանալից և կառուցողական պատասխաններ տվեց իր՝ որպես Թուրքիայի հետ բանակցություններում ՀՀ ներկայացուցչի, գործունեության վերաբերյալ։ Սակայն նորից շրջանցվեց միգուցե ոչ ամենաէական հարցը՝ ներկայացուցչի կարգավիճակի հետ կապված։ Համապատասխան առաքելությունը դրվել է ԱԺ փախխոսնակ Ռուբինյանի վրա ՀՀ վարչապետի կողմից, և այն իրացման համար ծախսերը կատարվել են խորհդարանի բյուջեից։ Հստակեցնենք՝ բանակցություններում Ռուբինյանը ներկայացնում է կառավարությունը, այլ ոչ թե՝ ԱԺ-ն, թեև շարունակում է կատարել իր՝ որպես փոխխոսնակի բոլոր գործառույթները։ Ստացվում է, որ գործադիր իշխանության ղեկավարը տնօրինում է խորհդարանական հանրապետության օրենսդիր մարմնի միջոցները և դրա ղեկավարներից մեկի աշխատանքային ժամանակը։ Սա չի կարող խնդրահարույց չհամարվել պետության ինստիտուցիոնալ կառուցվածքի, իշխանության թևերի տարաբաժանման առումով, եթե, իհարկե, շարունակում ենք հաշվի նստել ժողովրդավարության և պատշաճ կառավարման միջազգային ստանդարտների հետ։ Եվ կարծում եմ՝ այնպիսի կարևոր գործընթացում, ինչպիսին է հայ-թուրքական հարաբերությունների կարգավորումը, ոչ էական «մանրուքներ» չեն կարող լինել։ Ներողություն եմ խնդրում, եթե ձանձրացրեցի ՀՀ ներկայացուցչի կարգավիճակի վերաբերյալ իմ գրառումներով։ Պարզապես, երբ բանակցությունները նոր են սկսվել և դրանց ընթացքը, բացի ընդհանուր առարկայից, բովանդակային քննարկման սնունդ դեռ չեն տալիս, և խնդրի «ինստիտուցիոնալ» բաղադրիչի վրա կենտրոնանալը չի շեղում այլ սկզբունքային թեմաներից»։