«Փորձագետները չեն ակնկալում, որ Covid-ը լիովին կվերանա մեր կյանքից». Կարեն Ավագյան

ՀՀԿ-ական նախկին պատգամավոր, մասնագիտությամբ դատական բժիշկ Կարեն Ավագյանը ֆեյսբուքյան իր էջում գրել է. «Նոյեմբերին հայտնվեց կորոնավիրուսային նոր տարբերակ, որը տարածվում էր նախկինում չտեսնված տեմպերով: Սակայն ամիսներ անց մտահոգություները փոխվեցին:
Օմիկրոն տարբերակի սրությունը նախորդ տարբերակներից անհամեմատ թույլ է: Գիտական համայնքի զգուշավոր լավատեսությունը հանգում է նրան, որ Օմիկրոնը կարող է լինել համաճարակի վերջին «գործողությունը»: Շատերը կանխատեսում էին, որ Դելտային կհաջորդի ավելի չարաբաստիկ մուտացիա, բայց աշխարհը, ի վերջո, ստացավ գերիշխող շտամ, որը հեշտությամբ տարածվում է՝ չառաջացնելով նույն աստիճանի հոսպիտալացումներ, ծանր հիվանդություններ և մահեր, ինչ նախորդ տարբերակները:
Սա, իհարկե, չի բացառում, որ Օմիկրոնին կարող են հաջորդել ավելի վտանգավոր տարբերակներ, որոնք անսպասելիորեն կարող են երկարաձգել համաճարակի ընթացքը: Այդ մուտացիաները առավել հնարավոր են այն երկրներում, որտեղ պատվաստումների ընդգրկվածության ցուցանիշները ցածր են:
Սակայն արևմուտքում, որտեղ հանրային իմունիտետը բարձր է, վիրուսը կարող է քայլել դեպի էնդեմիկ վիճակ, իսկ հեռանկարում՝ դառնալ ինչպես հարբուխը և մրսացությունը:
Ճիշտ է, էնդեմիկ հիվանդությունը մշտական առկայություն ունի բնակչության մեջ, բայց չի ազդում տագնապալի մեծ թվով մարդկանց վրա և չի խանգարում հասարակությանը, ինչպես սովորաբար երևում է համաճարակի ժամանակ:
Փորձագետները չեն ակնկալում, որ Covid-ը լիովին կվերանա մեր կյանքից:
Փոխարենը, այն ի վերջո կհասնի մի քանի այլ հիվանդությունների նման մի շրջանի, որտեղ մարդկանց մեծամասնությունը կվարակվի մանկության տարիներին, հնարավոր է մի քանի անգամ, և կստեղծի իմունիտետ»:

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
44916.11.2026, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
74813.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
89211.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
94409.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
92609.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
111506.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
116305.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
267004.11.2026, 23:31